مساكم الله بالخير
قصيدة ناصر الفراعنه ناقتي يا ناقتي ماعليك من الهروج
اتركم مع القصيدة
ناقتي ياناقتي ما عليك من الهروج=صيحتين في قفا الذيب يقفاها العجاج
العدل يبقى عدل والدروب العوج عوج=والعمى من لامعاه من فعل كفه سراج
يا مكثرت الحكي والفعايل عوج هوج=ما يحذف الناس من كان بيته من زجاج
يا حمد طير(ن) جناحه ورا صدري يروج=وش اسوي كانه أفلت من ضلوعي وراج
مولدي في أرض عبقر من العام محجوج=أنشدوا عن مولدي ليلة الحج ألف حاج
المطالب يا حمد دونها ضرب الفجوج=دونها شرب قراح مثل شرب قهماج
ماثنوا عزم ابن عباس أصحاب البروج=لين زوجها من أعزب حدب سيفه زواج
والدهر معنى دخوله من الداخل خروج=والله لا زبن دخيلًَ ولا سنع خراج
يا حمد لا تآمن الجدب في خضر المروج=مزنة العذب الفرات أمطرت ملح آجاج
ولولا قولة والنعم معتلوا فوق السروج=أمةً قبلك خبر حيها في الارض داج
لا تعجب من علوج توطتها علوج=والله أن الشر للشر أحياناً علاج
في جنوب أفريقيا البيض ياطون الزنوج=وفي شمال أفريقيا البيض ماترفع حجاج
ابترفع عن رجالاً عن الهينه تدوج=عالمً رامت مرام الصقور وهي دجاج
قيصر من فوق غوج وكسرى فوق غوج=والجماعة بينهم راكبين فوق صاج
وش نبي في هامةٍ همها ضحكة غنوج=أو قيامة قامةٍ ماتقوم عود عاج
احمد الله يوم لي من خيال الموج موج=اركبه لا هاج سيف البحر تحتي وماج
ماتصفحت الليالي تصفح كاتلوج=لين مع كل حادث(ن) ذي حدث عشته مزاج
العقيله ماتبي غير ابن حربان زوج=يوم حاجات الذيابه غدت عند النعاج
ساقي النشوه لها من خروج في ولوج=كم انا للصحو منها شديد الإحتياج
يا حمد مسيار ربعي علي فوج فوج=غايتي يوم الردي غايته نجمه وتاج
ناقتي ياناقتي ما عليك من الهروج=صيحتين في قفا الذيب يقفاها العجاج
وسلامتكم ..........................................
الرئيسية 
التسجيل 
دخول 
الثلاثاء سبتمبر 16, 2008 5:52 pm
