قصيدة فرقة حسب الله لشاعرنا المبدع ناصر الفراعنه

مساكم الله بالخير

هذي قصيدة عن فرقة حسب الله فالحقيقة كنت متردد احط الموضوع ولا لا

عاد توكلت على الله وحطيت الموضوع

لعـيـون أنـاقـة هــاك الـوجه الحـلـو (كـوفـي)
مـن منطلـق مبـدأ ( السـنّـي كـمـا الصـوفـي)
علـى قـرار (ابـعـد البـصـري عــن الكـوفـي)
صـــدّق ووقّــــع ولــــد خـالـتْــه (مـنـديــلاّ)


مـن أجـل تطبيـق قـانـون الـسـلام :إيـكـا(1)
جـاء ضمـن لوحـة قـرار الحـكـم :أنتيـكـا(2)
إلـعــن أبــوهــم عــــرب , دقّــــي يـمـزّيـكـا
غــنّـــي يـواشـنـطــن وهـــــزّي يـمـانــيــلاّ


مـا دام (ذلحـيـن) مــا تشـفـق عـلـى (هـسّـا)
ومـا دام (بـاقـي وتــوْ ) مــا وافـقـت (لـسّـا)
بــالـــذلّ والـــغـــلّ بِـنْـصَــبّــحْ وبِـنْـمَــسّــى
وكــــل بــــن كــلــبٍ بــــدمّ كـبـودنــا فــلّــى


شـعــبٍ يـسـمّــون راع الــديــن (وهّــابــي)
ومـن ثـار دون ارضــه يسمّـونـه (ارهـابـي)
وراع التـقـالـيـد (مـتْـخـلّـف) و (أعــرابــي)
يـحـيـون يـفـنـون مــــا راسٍ لــهــم عــلّــى


تَـحَـتْ شـعـارات يـــا (بـابــا) ويـــا (مـامــا)
عـن سـوط حاخـام(3) واحد.شـعـب يتْحـامـى
بـمـجـلــسٍ حـاكـمـيـنــه ألــــــف حــاخــامــا
وهيهـات بــن عــمْ عــن ابــن الـعـمّ يتْخـلّـى


يــا شـيـب عيـنـي مــن الدنـيـا ويــا خـوفــي
يــا ويــل ويـلـي ثــلاث ويــا بَــرِيْ جـوفــي
كـان الصِـقَـهْ حــظّ سمـعـي والعـمـى شـوفـي
بـتـوخـذ الغـالـيـة غـصــبٍ عـلــى مـــن لا!!


داعــي ســـلامٍ خـلَــطْ (فُـدْكــا) ب (كونـيـكـا)
أمّـه (سرائيـل) وأخـت أخـت أمّــه (إمريـكـا)
الـطـاهـرة بـنــت شـيــخ الـقــوم (مـونـيـكـا)
والـعـاهــرة (رابــعـــة) والـتـافـهــة جُــلّـــى


في خانةٍ بيـن حـرف (الشّـا) وحـرف (السّـا)
مركـب (خبَـرْ كـان) بالشـعـب العـمـى رسّــى
مــن نسّـتـه نـعـمـة النـسـيـان (مـــا نـسّــى)
تـلـقـى حـيـاتـه مـثــل مـوتــه سَـــوَى بــــلاّ


(الشعب) أنا ؟ والا أنا (الشعب) ؟ الله أدرابي
لا فـرق , يــا قـربـه الـزاحـف مــن الحـابـي
الـمــوت واحـــد ســـواءً جــــاك (عـنّـابــي)
أو جــــاك (أســــود) فــهــلاّ تـعـتـبـر هــــلاّ


خــلاص يـكـفـي تـــرى تمـثـيـل و (دْرامـــا)
بالعـيـن مــن واقـــع الأمّـــة (بـنـورامـا)(4)
أمــا نـبـدّل حـجَـرْ (شطرنجـهـم) (دامــا)(5)
والا انقلبـنـا مـثـل مـــن صـــام مـــا صـلّــى


مــا شــيْ تغـيّـر بنـصـف الـقــرن يالـعـوفـي
يـا كـود توقيـع خــطّ (النـسْـخ) ب (الكـوفـي)
الوضـع هـوْ هـوْ ,عمـر صهيـون مــا تـوفـي
شـمـطــاً عــلــى أُمّــــة الـمـلـيـار تـتْـسـلّــى


يــا شـعــب عـــن شَـــدّة الأظـعــان ناهـيـكـا
يـا صـوت مـا ينسِمِـع لـولا صــدى (الميـكـا)
نجـدٍ تـقـول (ابْــك) وتْـجـاوب حَـلَـبْ (لَيـكـا)
جـمــاد هـــلاّ !! وحـــيّ بْــحــيّ مــــا هــــلاّ


حلفـت وحْيـاة مـن (واســى) ومــن (أسّــى)
ربٍّ يِـصَـبّــحْ صــبــاح وبـالـمـســا مــسّـــى
مــا يرتـخـي (حـبـلٍ) الاّ مــن عـقــب مَـسّــا
ولا عيـبٍ اعظـم مـن اسْتِعْـطـاف مــن ولّــى


لـو بــه سـلامٍ بليا حْـسـام (إي وابــي) ( 6 )
مـــا كـــان صـهـيــون قـدّمـنــي وصــلاّبــي
حـكــمٍ بــــلا ســيــف لا غــابــي ولا نــابــي
لــك حِـبّـة الـكـوع مـنـه اقــرب مــدى والاّ ؟


حـبـر القـلـم دفـتـره لــو يلـحـق الـمــا مـــاء
يـامـا عـلـى شـفـرة السـيـف الـحــدب يـامــا
شـعــبٍ تـــدارك مــــدَارِك دمـعـتــه وآمــــى
شـتّـان بـيـن الـقـلـم والـسـيـف أخـــو جـــلاّ


في الصيف شِتْـوِيْ ثيابـي فـي الشتـا صوفـي
بـغــداد بــغــداد يــــا جــوفــي وسـرجـوفــي
يـفــداك دمّـــي ولـيــت الـــدمّ بـــسْ يـوفــي
حـقّـك عـلـى السـيـف لا (حـاشـا) ولا (كــلاّ)


وسلامتكم .

مشكووووووووووووووووووووووووووووووور


اخوي على هالقصيدة.