صرقعة 000 ووناسة...
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

...
 
الرئيسيةالرئيسية  البوابةالبوابة  أحدث الصورأحدث الصور  التسجيلالتسجيل  دخولدخول  

 

 قصيدة ناقتي يا ناقتي لا رباع ولا سديس

اذهب الى الأسفل 
كاتب الموضوعرسالة
مفحط بزبيريه
توه بزر مابعد وصل مستوى الزحف والصرقعه
توه بزر مابعد وصل مستوى الزحف والصرقعه
مفحط بزبيريه


عدد الرسائل : 30
تاريخ التسجيل : 14/07/2008

قصيدة ناقتي يا ناقتي لا رباع ولا سديس Empty
مُساهمةموضوع: قصيدة ناقتي يا ناقتي لا رباع ولا سديس   قصيدة ناقتي يا ناقتي لا رباع ولا سديس Icon_minitimeالأحد سبتمبر 14, 2008 5:58 pm

صبحكم الله بالخير

قصيدة ناقتي يا ناقتي لارباع ولاسديس التي اشتهرت في كل مكان والذي اشتهر ناصر الفراعنه

بسب هذي القصيدة واترككم مع القصيدة .



ناقتـي يـا ناقتـي .. لا ربـاع ولا سديـس
وصلينـي لابتـي مــن ورى هــاك الطـعـوس
حايل(ن) رابع سنه من خيار العيس عيـس
خفهـا لا درهمـت كـنـه بالـنـار محـسـوس
في دجـى خالـي خـلا .. لا حسيـس ولا نسيـس
تدوخك مـن شـدة البـرد طقطقـة الضـروس
في عيونـي يكفـخ الطيـر ويطيـح الفريـس
وانتهض جسـاس مـن دون خالتـه البسـوس
وفي خفوقـي فـرخ جنيـة(ن) يضـرس ضريـس
يوم اوردهـا هجـوس(ن) واصدرهـا هجـوس
ديرتي دار ابن ضاري وابن غثلـم جريـس
ديـرة اللـي دوجـو فـي فيافـي نجـد جـوس
ديرتي يا بنـت شيـخ(ن) ومعدنهـا نفيـس
عيطـمـوس(ن) دونـهـا دثرتـنـي عيطـمـوس
جادل(ن) مطرق جسدها مـع الغربـي يميـس
طينة(ن) من تربـه الخلـد والـدم محمـوس
نقشت خمس(ن) مـن الخمـس فـي يـوم الخميـس
ليـت شعـري مـا ارادت بـهـذا دختـنـوس
كـم تمنـى امعـه مثلهـا فتـنـه ابلـيـس
كـان يمكـن قـد قلـب نصـف امتنـا مجـوس
كن دماث الصدر منهـا كنيسـه او كنيـس
صومعة رهبـان ديـن(ن) يـؤدون الطقـوس
آتقـوس مـع تـقـوس نواهـدهـا واقـيـس
قبتين(ن) قاب قوسيـن قـوس(ن) جنـب قـوس
خصرها يحكي لنـا واقـع القـوم التعيـس
وردفها عـن غطرسـة بـوش يعطينـا دروس
وبالرغم من قصرهـا مـا يجالسهـا جليـس
تصبح اطول نسـوه الارض فـي وضـع الجلـوس
العروسـه ماتبـي غيـر ابـو تركـي عريـس
العروسـه نجـد مـاهـي بحـيـا الله عــروس
نجـد بنـت المجـد ونسـة مونسـة الونـيـس
ما عسفها الا معـزي ضحـى يـوم العبـوس
كل اهل نجد(ن) هلي من آجـا حتـى الخميـس
فـي ذراهـم بلتجـي عـن مقففـة الرسـوس
وعيشتي ما بين اسـود(ن) ولا مانـي رئيـس
خير من كوني رئيس(ن) علـى شلقـه تيـوس
وليـس عيـب ان خدعنـي بمكـره كـل هـيـس
لأن مـا يفهـم بطبـع الهيـوس الا الهيـوس
مصطفـى فـي مأدبـه عمـه البابـا لويـس
كبـر اللقمـه تحـت ضـوء حمـراء الـكـؤوس
وطسـم حدتهـا علـى حائـط المبكـى جديـس
يـوم شقـت ثوبهـا بنـت عفـار الشـمـوس
سيـده هـاك القصـر اسمـهـا الاول لمـيـس
دونهـا سمـر الحناجـر بتـرهـا حــد مــوس
قسقسـت لأحرارهـم قيـس قيـس قيـس قيـس
والبستهم من مهانتهـم انـواع اللبـوس
بين خدعه كعب أخيـل(ن) ومولـد ادوريـس
درسونـا الالــه والـمـدرس هــو مــروس
ويش لاقو من قناه السويس اهـل السويـس
وويـش لاقـو مـن تلمسـان قـوم منسنـوس
كلهـم مـن شـدة الجـوع راحـو خنـدريـس
بيـن غيبوبـه مخـدر وصحـوه عــرق ســوس
ثورة(ن) راحو سببهـا بتـوع الاوتوبيـس
وش نبي فيهـا وهـي مـا تهـز الا الغـروس
آفه المرء اثنتان .. إلف كاس وحب كيـس
والنفوس اليا بغيت تعرفها ارم الفلوس
ينكشـف زيـف الشعـارات لا حمـي الوطيـس
ترجع الاذناب اذناب وتبقى الرؤوس رؤوس
صدق لا قال العـرب مـا يحـوص الا الخسيـس
ولا يوطي الرؤوس شي مثـل ضعـف النفـوس
ناقتـي يـا ناقـتـي لا ربــاع ولا سـديـس
وصلينـي لابتـي مــن ورى هــاك الطـعـوس


وسلامتكم يا الربع . الله الله بالردوووووووووووووود .
الرجوع الى أعلى الصفحة اذهب الى الأسفل
 
قصيدة ناقتي يا ناقتي لا رباع ولا سديس
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
صرقعة 000 ووناسة... :: الملتقيات الادبية :: ملتقى الأدب الشعبي-
انتقل الى: